प्रेम आहे रे माझं तुझ्यावर
माझ्याकडे प्रेमानं एकदा तरी बघ
आता सहन नाही होत मनाला
या कढत अश्रूंची धग
किती स्वप्न पाहिली होती !
तुझ्या - माझ्या सोबत लक्ष - लक्ष तारे
सोबत जगण्याची घेतली होती शपथ
इतक्यात च विसरलास सारे ?
घर असावं टुमदार छोटेखानी वाडा
मज राणीचे दागिने अन तुझा राजेशाही थाट
स्वप्न तुझी खुळ्यासारखी , बोललास जाता जाता
पण येशील तू परत नक्की , विश्वासान बघेन वाट
तुझ्या शिवाय जगण्याचा
फुका प्रयत्न केला
हसत होतो वरकरणी मात्र
आत जीव ढसाढसा रडला
हर एक श्वासागणिक
कंठ दाटून येतोय
ओघळणारा प्रत्येक अश्रू
फक्त तुलाच शोधतोय
तुझ्या स्वप्नांचा राजकुमार परत आलाय
राणी , मला माफ करशील ?
( मग ती आनंदाश्रूंना कुरवाळत त्याला म्हणते )
खात्री होती मला परत नक्की येशील
प्रेमा वरचा विश्वास कायम जागता ठेवशील ..
