अजूनही ..!

वाऱ्याची मंद झुळूक तुझे ते रेशमी केस उडवते का ग अजूनही ..??..
तुझा तो तलम दुपट्टा डोक्यावरून सरकून हळूच मानेवर उतरतो ..??..
तुझ्या केसातलं ते चाफ्या च फूल अजून तसाच घमघमाट देता ..??..
रात्रीचा धुंद गारवा शहारा उठवतो का ग अंग -भर ..??..
अन चंद्रा च ते टप्पोर चांदणं स्वप्नांच्या दुनियेत घेऊन जाता ..??..
सूर्याची ती कोवळी किरणं अजूनही पापण्यांना अलगद उचलून घेत असतील नाही ..??..
तुला पडणाऱ्या माझ्याच स्वप्नांमध्ये तू स्वतःशीच बोलतेस अजूनही ..??..
आपला एकमेकांकडे चोरून , लाजून अन हासून पहाणं आठवत तुला ..??..
शुभ्र कोऱ्या कागदावरती माझा चित्र काढायचीस तू ..
आणि त्याच्या कडे बघून गोड हसायचीस ..हो ना ..??..
खळखळून हसता हसता तुझ्या त्या अलवार पापण्या चिंब भिजतात का ग अजूनही ..??..
भर उन्हात ज्याच पांघरून माझ्यावर घातलस तो भरजरी पदर तुझ्या आसवांनी भिजत तर नाही ना ..??..
एका रिमझिम पावसात आपली भेट झाली होती आठवत ना ..??..
धो-धो बरसणारा पाउस बघताना मी तुझ्यावर केलेली कविता आठवते का ग एखादी ..??..
माझ्या सगळ्या आठवणी तुला आठवतात का ग अजूनही ..??..
तू म्हणालीस विसरून जा अन मी विसरलोही ..
पण लक्षात ठेवून आठवतेस तू मला ..अजूनही ..अजूनही ..!!..