त्याला जाऊन खूप दिवस झाले ..!

पावसात भिजताना , विचार बरसू लागले
काय वाटले मनास माझ्या , सहज आकाशी पाहिले
बारीक चेहरा केलेले ढग , वाटले अश्रू च तयांचे वाहिले
पापण्या माझ्याही भिजल्या , त्याला जाऊन खूप दिवस झाले

मध्यंतरात अचानक रीळ उलटे फिरले
पहिली भेट त्याची अन रम्य दिवस आठवले
त्याच्या कवितेच्या प्रेमात मी , माझे गाणे त्यास भावले
मात्र आज हे सूर गहिवरले , त्याला जाऊन खूप दिवस झाले

आठवताच ती गोड भांडणे , मन हे हेलावले
भांडण मिटल्यावरी मिठीच्या स्मरणाने अश्रू नावरले
स्पर्श त्याचा , गंध त्याचा , मज पुन्हा पुन्हा आठवे
का उगीच मी जा म्हणाले त्याला , त्याने जगणेच सोडले ..त्याला जाऊन खूप दिवस झाले ..