या नयनांना कुणी अनोळखी चेहरा एक दिसला ग
आणिक झाले सुरु दिवस हे प्रीती अन प्रेमाचे ग
तरंग ऐसे उरात उठले कधीच पूर्वी नव्हते ग
कधी न भेटलो आधी तरीही मनास मन हे जुळले ग
काय करावे काही कळेना हाक कशी मी मारू ग
या नयनांना कुणी अनोळखी चेहरा एक दिसला ग
प्रथम पाहता चक्षुंनी या दोघे क्षणात हरवले ग
गालांवरती अश्रुधारा शरमेच्या त्या प्रेमाच्या ग
त्वचा कोवळी शहारली , हा गोड गुलाबी वारा ग
त्यास पाहता मनात माझ्या , वादळ वेडे उठले ग
अधरांवरती गीत उमटते , तुझ्या मनस्वी प्रीतीचे
लोचन भिरभिर चहूकडे , शोधत तुलाच फिरती रे
मैफिल रंगली सुरात सुंदर , तरीही काही हुरहुरते
हरवून जाशी कुठे तरी तू , मन हे वेडे घाबरते
सर्वस्वी ही माझी दुनिया , फक्त त्याचिया मिठीत ग
या नयनांना कुणी अनोळखी चेहरा एक दिसला ग ..
No comments:
Post a Comment