फक्त तू..!

आज तुझी खूप आठवण येतेय
सारखा समोर येतोय तुझाच चेहरा
सत्य की आभास ? हा जीव बावरा
गोड लाजतेस अन हासतेस तू
लख्ख गोरटी नितळ नार तू
केव्हा भासतेस मोगरा अन केव्हा चाफा
आपोआप च अवतरतो मग
प्रेमभरल्या भावनांचा ताफा
नभातून बरसताहेत प्रेमाच्या धारा
थैमान घालतोय बेभान फिरणारा वारा
आसमंतात दरवळतोय मातीचा ओला गंध
अंग-अंगावर उठतोय प्रीतीचा शहारा
श्वासाला लागली आहे ओढ - फक्त तुझी
अन आहे माझा प्रत्येक श्वास - फक्त तुझ्याचसाठी